پنجابی گیت
مینوں دیور دے ویاہ وچ نچّ لین دے
جہنوں جھوٹھ جھوٹھ کہندے نے ہو سچ لین دے
مینوں دیور دے ویاہ وچ ۔۔۔۔
ہٹو نی سہیلیؤ ہٹاؤ نہ نی گوریؤ
گڑ وانگوں مٹھیؤ نی گنے دیؤ پوریؤ
نی مینوں اگّ دے بھبوکے وانگوں مچّ لین دے
نی مینوں دیور دے ویاہ وچ نچّ لین دے
مینوں دیور دے ویاہ وچ ۔۔۔۔
سونپھیا دوپٹہ نی میں شونق نال رنگیا
ہاسیاں نوں روک روک ماہی کولوں لنگھیا
نی مینوں ماہی والے رنگ وچ رچّ لین دے
نی مینوں دیور دے ویاہ وچ نچّ لین دے
مینوں دیور دے ویاہ وچ ۔۔۔۔
گتّ کھل گئی اے اوہنوں ہور نی کھنڈا دیؤ
ناگ کویں کیلاں مینوں جوگن بنا دیؤ
نی مینوں گدھے وچ سہجے سہجے جچّ لین دے
نی مینوں دیور دے ویاہ وچ نچّ لین دے
مینوں دیور دے ویاہ وچ ۔۔۔۔
ویڑھا کویں گونجدا تے کندھاں کویں گؤندیاں
پنڈ سارا گھمے واجاں پنڈ وچوں آؤندیاں
نی اڑیؤ نور پوری بچدا جے بچّ لین دے
نی مینوں دیور دے ویاہ وچ نچّ لین دے
مینوں دیور دے ویاہ وچ ۔۔۔۔
نند لال نورپوری
No comments:
Post a Comment
Note: only a member of this blog may post a comment.