کاں کافر
لوکی پُچھدن
کاں کوں کافر کیوں آہدن؟
ہک معصوم پرندہ جیہڑا
مہمانیں دیاں خبراں ڈیندے
کہیں وسوں دیاں شانداں ڈیندے
کافر کیوں ہے
میں اے آہداں
کافر کہیں مذہب دا ناں نئیں
نہ اے رنگ یا ذات دا ناں ہے
نہ کہیں دی اوقات دا ناں ہے
کافر ہک کردار کوں آہدن
کیتے ہوئے نروار کوں آہدن
میں اے آہدن
بھانویں اڈدا پکھی ہووے
کہیں وستی دا گودا ہووے
کہیں درگاہ دا وارث ہووے
بھانویں ملک دا حاکم ہووے
جے کر کہیں مجبور دے ہتھو
کہیں مجبور دے بالیں دے ہتھو
رزق کھسیندے
کافر ہوندے
اصغر گورمانی
No comments:
Post a Comment
Note: only a member of this blog may post a comment.