متراں نوں ماں بولی دیہاڑ دی بدہائی
دھرتی دیس پنجاب دی ٹھنڈی چھاں ورگی اے
قسمیں لگدی مینوں تے میری ماں ورگی اے
واپس آکے جتھوں وی میں رکھاں پیر اس تے
لگدی ہر تھاں مینوں اپنی ای تھاں ورگی اے
گذرے ویلے بھلاں کیویں جا کے اس توں دور
ملدی نہ عزت کدرے وی اپنے گراں ورگی اے
کرئیے تھوڑی ٹہل سیوا جے اس مٹی دی
سجری سوئی ہوئی میری مجھ تے گاں ورگی اے
جس لے وی تھک ٹٹ کے میں اس تے آ کے سوناں
مینوں تے فر لگدی ڈھول دی باں ورگی اے
مٹھی بولی اس دی تے مٹھے لوگ نیں اس دے
بولی اس دی ایوب نوں لگدی ماں ورگی اے
ایوب بجاڑ
No comments:
Post a Comment
Note: only a member of this blog may post a comment.