میرے نال جو ہویا مینوں ہوش ای کوئی نئیں
جیہڑی سجناں کیتی میرا دوش ای کوئی نئیں
بُلاں اُتے جندرے،۔ اکھاں دے وچ ہنجو
میں چپ ہاں پر دل میرا خاموش ای کوئی نئیں
چاہواں دا اک دور سی یارو چلدا رہندا
کلا پیندا بیٹھاں کوئی ہمنوش ای کوئی نئیں
مان ہوندے سنگیاں اُتے کِتھے گئیاں سنگتاں
یاری برفاں ورگی ہوئی جوش ای کوئی نئیں
میرے آسے پاسے چارے پاسے کنڈے
دسدا اج حماد کو گُل پوش ای کوئی نئیں
حماد بھٹی
No comments:
Post a Comment
Note: only a member of this blog may post a comment.