میریاں راتاں چانن چانن، نھیرے اوہناں ملے نیں
نسبت میری نال حسین دے، شمر اوہناں دے ولے نیں
اوہ ہتھ جیہڑے رُکھاں وانگوں دُھپاں نوں ڈک لیندے سن
رُت ڈھلی تے اکھیں ڈِٹھا، ہاڑ چ سڑدے کلے نیں
ظالم اپنی ہِک دے زور تے، راجے نہیں جے بن جاندے
بُزدل اوہناں دے ہتھ پیر نیں، اوہناں نال جو رلے نیں
اک بِرہا دا مچدا بھانبڑ، دُوجی چُلھے بُجھدی لاٹ
اکلاپے تے بُھکھ نے ساڈے دونویں پاسے ملے نیں
جھڑدے پَتر، وگدے اتھرو، ایہو گل سمجھاندے نیں
پتر جد کھِنڈن تے آوندے، کھِنڈنوں کدی نہ ٹلے نیں
ذوالقرنین
نیرنگ خیال
No comments:
Post a Comment
Note: only a member of this blog may post a comment.