تیرا حُسن جمال سلامت
جوبن دا ہر سال سلامت
ساڈے لیکھ بہاراں کوئی نہ
رہ توں خُشیاں نال سلامت
بندے نے نہیں رہنا ایتھے
رہن عروج زوال سلامت
تیری جھولی رہے بھریچی
تیری سوچ خیال سلامت
رہنے نہیں ایہ میلے ٹھیلے
رہنا تیرا کمال سلامت
ساڈی خیر خیریت ایہو
تیرا ماضی حال سلامت
دھریئے ککھ مدثر اوتھے
جتھے ڈالی ڈال سلامت
مدثر اقبال بٹ
No comments:
Post a Comment
Note: only a member of this blog may post a comment.