ظالم دی تائید نہیں کیتی
لوکاں دی تقلید نہیں کیتی
جُھوٹھ نوں وی تسلیم نہیں کیتا
سچ دی وی تردید نہیں کیتی
دل اوہدا دیوانہ ہویا
اکھاں جس دی دید نہیں کیتی
اس قصے دا انت کی دساں
میں جس دی تمہید نہیں کیتی
ڈِٹھا چن، اوہ چن نہ ڈِٹھا
عید آیاں وی، عید نہیں کیتی
آؤندیاں سار ہی ٹُر چلے او
اکھیاں رج کے دید نہیں کیتی
سجن وی تنویر سی کورے
میں وی کوئی اُمید نہیں کیتی
تنویر نوازش
No comments:
Post a Comment
Note: only a member of this blog may post a comment.