جواب دیون دی تھاں تے اگوں سوال کر کے
اوہ اپنے ولوں وکھا ریہا سی کمال کر کے
اوہ حال نیں کہ گلی چ کتا نہ نظر آوندا
حرام شے جے حلال ہندی حلال کر کے
ایہہ زندگی نوں پتہ اے سارا تونہہ زندگی ایں
میں جی ریہا واں تے صرف تیرا خیال کر کے
بھرا وی ہندا سی اج بن کے شریک آیائے
تے ایہنے جانائے ساڈے ککڑ نوں دال کر کے
کلیم تلیاں چ سیک ایویں تے آ نئیں جاندا
کوئی تے ویہندا اے تینوں اکھاں نوں لال کر کے
تجمل کلیم
No comments:
Post a Comment
Note: only a member of this blog may post a comment.