ڈھولا
اک ون دی ٹھنڈی چھاں ڈھولا
آ کرئیے بیٹھ نیاں ڈھولا
تُوں خُشیاں ساریاں میتھوں لے
میں دُکھڑے جھولی پاں ڈھولا
تُوں پھڑ لے میری باں ڈھولا
پئی آکھے مست چناں ڈھولا
تیرے چن ورگے اس مونہہ اندر
میں چُوری کُٹ کا پاں ڈھولا
مُڑ تیرے ہتھوں لے لے کے
میں پکیِاں پیلوں کھاں ڈھولا
عُمراں دا سنگ نبھاہویں گا
اج پکی کر کے ہاں ڈھولا
اس دیس دی سوہنی مٹی نُوں
میں چُم اکھیِاں تھیں لاں ڈھولا
اس سُندر مُکھ دے ہاسے نُوں
اج دیواں کیہڑا ناں ڈھولا
اک ون دی ٹھنڈی چھاں ڈھولا
آ کرئیے بیٹھ نیاں ڈھولا
احسان باجوہ
No comments:
Post a Comment
Note: only a member of this blog may post a comment.