جے کوئی سالار ملے
پَلّا پھڑ، تے سوچیں ناں
سُکھ بدلے غمخوار ملے
دُکھڑے جر، تے سوچیں ناں
آہیں بھر اوتار ملے
ہر دم بھر، تے سوچیں ناں
اُس دی جت وچ ہار ملے
جاویں ہر، تے سوچیں ناں
دل دیون دلدار ملے
چھیتی کر، تے سوچیں ناں
پھاہے لگ دیدار ملے
سُولی چڑھ، تے سوچیں ناں
سر دتیاں سرکار مِلے
دے دے سر، تے سوچیں ناں
جِندڑی مُل جے یار ملے
جھٹ پل مر، تے سوچیں ناں
راشد ڈوگر
No comments:
Post a Comment
Note: only a member of this blog may post a comment.