الف انار ب بکری پ پنکھا اج وی چیتے آوندے نیں
بچپن دے او یار پرانے اج وی چیتے آوندے نیں
سو پنجاہ نال بیشک بھانویں اج دیہاڑی لنگھدی نئیں
باپ تو لینے وڈے آنے اج وی چیتے آوندے نیں
بچیاں کول سلیٹ تے پھٹی اج استاداں کھو لئی اے
سانوں پٹھیاں قلماں کانے اج وی چیتے آوندے نیں
دوات کسے کول نہ ہونی، اوہنوں ڈوبے دے لینے
ڈوبیاں توں فِر دینے طعنے اج وی چیتے آوندے نیں
ندیم افضل
No comments:
Post a Comment
Note: only a member of this blog may post a comment.