پیار ہُندیاں دیر تاں نئیں لگدی
تیرے ملن دی چاہ توں ودھ کے
راہواں دا خضرؑ کون سی
تُوں اپنیاں اکھاں میری چُنی نال بنھ لیؔاں
تے تیرے جُثے دی خُشبو
مینوں کِنھے ای چنہاں لنگھا دِتے
حوّا دی دھرتی اُتے آدم نے جِنے بُوٹے لائے
مینوں تیرا سواد اونہاں ساریاں توں وکھ لگیا
تیرے پیراں دی تَلیاں دے اسود چُمن نوں
میرا ست جنماں دا طواف
مینوں بُلھے وانگ نچاؤندا رہیا
تھوڑی جِنی اگ دی چاہ نے
میرے موسیٰ وانگ شوق نوں
ساڑ کے طُور بنا دِتا
فاطمہ مہرو
No comments:
Post a Comment
Note: only a member of this blog may post a comment.