مینوں لے کے جان دی ضد نہ کر
ایویں بھُکھا مروان دی ضد نہ کر
گڈی چڑھدیاں پولیس نے نپ لینا
تھانے چھتر پوان دی ضد نہ کر
توں تے رو کے جان چھڑا لینی
مینوں اندر کران دی ضد نہ کر
ایویں چھڈ کے روٹیاں عشق پچھے
سُکّے پَولے پوان دی ضد نہ کر
تیری گُت وچ مت تے عقل گِٹے
بھائیاں کولوں کٹوان دی ضد نہ کر
اجے ماں نے باقی ادھار دینا
اوہدا گہنا وِکوان دی ضد نہ کر
جو وی کہویں گی تیرے لئی چھڈ داں گا
مینوں روٹی چھڈان دی ضد نہ کر
مینوں پالیا ماں نے چُوریاں نال
مینوں پِچھ پیان دی ضد نہ کر
تیرے واسطے جان وی کراں حاضر
میرا پیسہ خرچان دی ضد نہ کر
روٹی پیسہ تے نیند میں چھڈنی نہیں
میرا عشق آزمان دی ضد نہ کر
امین ملک
No comments:
Post a Comment
Note: only a member of this blog may post a comment.