اکھ دا کھاہدا تیر اے بھا جی
دل تاں لیرو لیر اے بھا جی
صاحباں نال اے یاری لگی
اگے جو تقدیر اے بھا جی
بندہ ویکھ کے تھاں مر جاوے
حالاں ایہہ تصویر اے بھا جی
دل تے ایویں ڈُبی جاندائے
ہڑ نئیں اکھ اچ نیر اے بھا جی
لک سدھا نئیں کیتا جاندا
ڈھڈ دی مار اخیر اے بھا جی
سجی روندی ویکھ کے رو پئی
کھبی اکھ وچ روڑ اے بھا جی
ہنجواں کس لئی اگاں لائیاں
پانی اگ دا توڑ اے بھا جی
تجمل کلیم
No comments:
Post a Comment
Note: only a member of this blog may post a comment.