پنجابی پوٹھواری پوٹھوہاری پہاڑی شاعری
میں پُتر پٹھوار ناں سوہنڑاں
میں شملہ اس نی شان وی آں
میں بری نی تہھرتی جایا
درویشاں نیں رنگ چڑھایا
عشق نبیﷺ ناں چوغا پایا
میں دودہ مرد دیوان وی آں
میں پتر پٹھوار ناں سوہنڑاں
تہھیاں پہھینڑاں نی میں چادر
گاشوں اُچا مہھاڑا بادر
میں محفوظ حسین بہادر
میں سرور ٹکا خان وی آں
میں پتر پٹھوار ناں سوہنڑاں
جاں کوئی اوکھڑ اتھے آئی
ہسں ہس پُتر وارے مائی
رتیں دیس نی سدھر لاہی
میں بے جی ناں ارمان وی آں
میں پتر پٹھوار ناں سوہنڑاں
یاسر کیانی
No comments:
Post a Comment
Note: only a member of this blog may post a comment.