ٹھنڈی سیت ہوا پوہ مانگھ دی گھلدی اے
بدھی گڈھڑی یاداں دی پئی کھلدی اے
چیتے آئی کٹھیاں بہہ کے چاہ پیتی
تتی ہنجھ پئی ٹھنڈی گلھ تے ڈہلدی اے
امبراں، بدلاں ورگی اک پھُلکاری نوں
تک تک سرہوں کھیتاں وچ پئی پھلدی اے
چنگی مندی وِسر گئی دل کملے نوں
ہڈاں نوں ہڈ بیتی نہیں پئی بھلدی اے
قمر فریدا کدھرے دانگ نہ لا بیٹھیں
چٹی چادر رُوحاں دی کد دھلدی اے
قمر فرید
No comments:
Post a Comment
Note: only a member of this blog may post a comment.