سجانڑ
ایہہ وی کوئی گالھ اے مِٹھا
تیکو تیڈے بارے ہنڑ میں کیویں ڈساں
اچھا پہلے اے تاں ڈس چا
تیں کملی دا دل رکھڑاں ہے
یا میں تیکو سچ سچ ڈساں
اچھا ہنڑ ناراض تاں نا تھی
اچھا میں ڈئیں ڈیکھ تاں سئی ہنڑ
اچھا توں ہنڑ سنڑدی آ وت
رات اندھاری دے وچ جیکر ڈیوا بالو
یکدم جھہڑا چاننڑ تھیندائے اوہا توں ہیں
جیویں تس توں مردے پکھڑو نوں کوئی آنڑ سنبھالے
اوں دے مونہہ ءچ قطرہ قطرہ زندگی دا ٹپکاوے چا
تَس توں مردا پکھڑو میں ہاں
رب سوہنڑے دی ذات اے جہڑی آنڑ سنبھالئے
قطرہ قطرہ زندگی توں ایں
بلھے شاہ دے دوہڑے دا میں چوتھا مصرعہ
پہلے ترہیں مصرعے توں ایں
اچھا ہنڑ وت روندی کیوں ایں
سنڑ نئیں سگدی پچھدی کیوں ایں
خالد ندیم شانی
No comments:
Post a Comment
Note: only a member of this blog may post a comment.