پنجابی پوٹھواری پوٹھوہاری پہاڑی شاعری
منادی ہر گلی بازار کریاں
میری دوستی دا بھی اقرار کریاں
مینوں غسل دے آپ تیار کریاں
مقتل گاہ وچ جان تھیں پہلے پہلے
مقتل گاہ وچ نام و نشان کریاں
میری داستان ساری بیان کریاں
میری موت دا اُچا اعلان کریاں
کفنی گل وچ پان تھیں پہلے پہلے
ثابت قدم رہیاں سنبھل کے وار کریاں
پر احسان اتنا ستمگار کریاں
خواہش آخری دا انتظار کریاں
وقت نزاع دا آن تھیں پہلے پہلے
بھانویں نال فیاض جفا کریاں
ہے گستاخی پر معاف خطا کریاں
اک قدماں دا بوسہ عطا کریاں
ظالم تیغ چلان تھیں پہلے پہلے
سائیں فیاض گل کیانی
No comments:
Post a Comment
Note: only a member of this blog may post a comment.