پنجابی پوٹھواری پوٹھوہاری پہاڑی شاعری
نبیاں نے سردار نی گل
کرنا روہ سرکار نے گل
کر مہاڑے نال آقا نے
اکھیاں تے رخسار نی گل
اللّٰہ نال وی کرنے آں
سوہنے نے دربار نی گل
پُھل کرسن گل تہاڑی ، توں
کر طیبہ نے خار نی گل
جنت اُسنی عاشق ای
جیہڑا کرنا یار نی گل
کہار آلے ای دینے جان
اچھنی جسلے کہار نی گل
کرسی ہر بیماری دور
ہیک عابد بیمار نی گل
عشق محمدﷺ نا دسنی
کربل نی گل غار نی گل
سجدے وچ وی کرنے او
باسط جئے بدکار نی گل
باسط علی حیدری
No comments:
Post a Comment
Note: only a member of this blog may post a comment.