پنجابی پوٹھواری پوٹھوہاری پہاڑی شاعری
پیہھالی
تہھیاں پہھیڑاں ساہورے کہھار
آپڑیں آئی نل مر گچھنڑ تے
کفن دفن تے پہلی روٹی
پیکے آلے دینڑیں نوں
منجی وی اوہ چانڑیں نوں
قورے وچ وی لاہنڑیں نوں
مٹی وی اوہ پانڑیں نوں
دووے پاسے تکو تے
ایہے تہھیاں پہھیڑاں جس لے
آپںڑاں حصہ منگنڑ تے
پئیو پہھرا تے کُل پتریئے
اکھاں کڈھی مونہہ سُجائی
ایویں رُس رُس بہنڑیں نوں
مجال آئی اے جے پہھورا وی
اللہ کولوں ترہنڑیں نوں
فیصل عرفان
No comments:
Post a Comment
Note: only a member of this blog may post a comment.