اساں پانی پنج دریاواں دے
ساڈے اندر چھلاں یار دیاں
آ چپ دے جندرے توڑ کے
کجھ گلاں کرئیے پیار دیاں
اساں پانی پنج دریاواں دے
اساں کندھاں چیر کے لنگھ جانا
اساں گنجل مار کے سوچاں نوں
کتے سولی اتے ٹنگ جانا
اساں پانی پنج دریاواں دے
ساڈے اندر مہک گلاباں دی
ساڈی مٹی سچل نشیاں دی
مت دئیے مار شراباں دی
اساں پانی پنج دریاواں دے
ساڈے اندر مست نشانیاں
اساں مر نہیں سکدے دھرتی تے
ساڈے اندر عشق کہانیاں
صغیر تبسم
No comments:
Post a Comment
Note: only a member of this blog may post a comment.