ہتھیں دیوچ گُڑ دی روڑی کُونجاں نال آلاون
روز نماشیں مُرلی اُتے تھل ءچ نانگ نچاون
دریا اندر پونگے کھیڈن کندھی اُتے بگلے
بوہڑ ہیٹھ فقیرویں دیرے نہ کوئی ہاڑ نہ سانون
بلبل کڑچھی لالی گیری چیڑیاں ٻولن فجریں
بھوں ت چُگن ڈڈ سیہڑیں دا وکھری جُھمر پاون
روہی رُوپ ودھاون ڄالیں کریاں ٻوئیاں بوٹے
اپنی اپنی تیند ءچ ڈنگر چھاں تے آون باہون
اساں اپنی وسوں کولوں جیون سکھے جعفر
کوئل کولوں کافیاں گانون ککڑ کول جگاون
جعفر جام
No comments:
Post a Comment
Note: only a member of this blog may post a comment.