پنجابی سرائیکی شاعری
کھیڈ کھیڈنڑ توں پہلے ڈُھل گھِنسوں
تیڈے آونڑ توں پہلے پھُل گھنسوں
ساکوں رب سئیں توفیق ڈتی تاں
تیکوں نخریں سمیت مُل گھنسوں
وحشتِ عشق شکریہ تیڈا
کجھ ڈیہاڑے اساں وی رُل گھنسوں
توں چلو عید سانگے جوڑے گِھن
اساں جوگی ہیں یار جُھل گھنسوں
ڈیکھ ونگیں دے سانگے رنج نہ تھی
جُل فریدنڑ دے شہروں جُل گھنسوں
عمران سولنگی
No comments:
Post a Comment
Note: only a member of this blog may post a comment.