پنجابی سرائیکی شاعری
عِلم دے سوجھل، روہی واس دے اندر آگن
ست سمندر ہِک گلاس دے اندر آگن
ما کوں ودھ الا تے میں ایں کنبن لگاں
قبری کیڑے جینویں ماس دے اندر آگن
نکڑے بل ہک خواجے سیں دی کافی پڑھی
نچ تے سب استاد کلاس دے اندر آگن
بال پٹاخے مارتے، اکھیں ساڑی بیٹھائے
یعنی اوندے خواب پٹاس دے اندر آگن
دِھی رانی دا متھا چُم تے اینویں لگے
لب میڈے اج کھنڈ دی چاس دے اندر آگن
ماواں دی ارداس پُنی ہے اللہ تانڑیں
جنگ دے زخمی ریڈ کراس دے اندر آگن
بلال باقر
No comments:
Post a Comment
Note: only a member of this blog may post a comment.