بھانویں ساکوں جیونڑ دی کہیں ڈس نئی ڈتی
سچی گال اے زندگی ساکوں چس نئی ڈتی
ایں واری تاں او وی کھلدا کھلدا ٹکریے
ایں واری تاں ساونڑ وی اکرس نئی ڈتی
ہنڑ تاں ساکوں ایہو سوچ کیں روونڑاں پوندے
اساں تیکوں کیرھی شئے ہس ہس نئی ڈتی
میں جو آکھیے دل نئیں ڈیندا کھل کیں آکھس
میڈی مرضی میڈی شئے ہے بس نئی ڈتی
اساں تیڈا کیندے کولہوں کینی پچھا
اتھاں ساکوں کہیں وی تیڈی ڈس نئی ڈتی
اثیر آثم
No comments:
Post a Comment
Note: only a member of this blog may post a comment.