پنجابی سرائیکی شاعری
منتاں دے دھاگیاں ءچ اڑی ہوئی جال آں
قبراں دے سراں اتے کھڑی ہوئی جال آں
بس ایہو مانڑ ہےجو پکھیاں دی ماء ہاں
اونویں تاں میں دھپاں اتے سڑی ہوئی جال آں
آکڑاں وڈائیاں کولوں دل میڈا ڈردے
اپنڑے میں پاڑاں وچ وڑی ہوئی جال آں
کتھاں میڈے پترے تے کتھاں میڈی چھاں ہے
مر مُک گئی آں تے جھڑی ہوئی جال آں
منڈھ نال منشو دی منڈھ توں نی بنڑدی
لڑیاں دے نال وی تاں لڑی ہوئی جال آں
منشو بھٹہ
No comments:
Post a Comment
Note: only a member of this blog may post a comment.