روشنی دا ایسراں نہ قتل کر
آگہی دا ایسراں نہ قتل کر
باغ چھڈ کے ٹُر نہ جاوے باشنا
ہر کلی دا ایسراں نہ قتل کر
داج تھلے دب نہ سدھراں ویلیا
زندگی دا ایسراں نہ قتل کر
جام ساتھوں دور رکھ کے ساقیا
مئے کشی دا ایسراں نہ قتل کر
وزن تے مضمون ول وی دھیان دے
شاعری دا ایسراں نہ قتل کر
دے لگاماں وحشیاں جہی سوچ نوں
آدمی دا ایسراں نہ قتل کر
لگ نہ جاوے زین تینوں بد دعا
دوستی دا ایسراں نہ قتل کر
زین جٹ
No comments:
Post a Comment
Note: only a member of this blog may post a comment.