پنجابی سرائیکی شاعری
مینھ تھئے تاں دُھوڑو دُھوڑ نظارہ دھویج گئے
رووَنڑ دے نال اندر دا موسم وٹیج گئے
افسوس،عکس تیڈا سنبھالیے نہ اُوں نہ اِیں
دریا دے نال اکھ دا وی پانڑی کچھیج گئے
ہک اَنڑ ڈِٹھے نظارے کوں میں ایتلا ڈِٹھم
اُوندا جمال ہنڑ میڈے ہاں تے چھپیج گئے
ہک خواب گزریے سال دی ڈائری تے درج ہا
ڈائری دے نال خواب وی آخر ٹھپیج گئے
شاہد سمجھ نئیں آندی جو خالی کراں کتھاں
رازیں اَوازیں توں میڈا سینہ بھریج گئے
شاہد ماکلی
No comments:
Post a Comment
Note: only a member of this blog may post a comment.