جیرھے ویلھے خدا کنوں ویساں
دنیا داری بُھکا کنوں ویساں
موقع ملیا جے میکوں بولنڑ دا
کھریاں کھریاں سُنڑا کنوں ویساں
پہلے ڈِیوے دا ڈُکھ سمجھڑاں ہے
پچھیں ظالم ہوا کنوں ویساں
میکوں جنت دی لوڑھ پئے گئی تاں
پہلے پہلے میں ماء کنوں ویساں
میکوں پھینگیں دی جا بنڑاونڑ ڈے
تیکوں دریا بنڑا کنوں ویساں
او کوں محشر تاں لازمی ملڑنے
اوندے پیرے پکا کنوں ویساں
متاں مرنڑ دے بعد کِر ونجن
تیڈیاں یاداں رہا کنوں ویساں
مناف واقف
No comments:
Post a Comment
Note: only a member of this blog may post a comment.