عارفانہ کلام حمد نعت منقبت
جس دی جڑ کوئی ٹُک جاندا اے
اوہ رکھ چھیتی سُک جاندا اے
میرے نبی دی شان نئیں مُکدی
آخر بنده مُک جاندا اے
سوہنا سینے لا لیندا اے
جیہڑا سدھا ڈُھک جاندا اے
دس خاں ناں میلاد دا سُن کے
تیرا منہ کیوں سُک جاندا اے
سوہنا جدوں اشاره کردا
چن قدماں تے جھک جاندا اے
رُک جاندا اے ویلا اوتھے
جتھے سوہنا رک جاندا اے
ساڈا تے ہر پینڈا ناصر
شہر مدینے مُک جاندا اے
ناصر سیالوی
No comments:
Post a Comment
Note: only a member of this blog may post a comment.