پنجابی سرائیکی شاعری
ڈبل بیڈ تے کلھیں سمنڑ سوکھا کینی ہوندا
پوہ دے پالے اچ پاسے پھیرنڑ سوکھا کینی ہوندا
ڈسکیاں ڈک تے بن ہنجوں دے رونڑ اوکھا ہوندے
بار برہوں دا سینے سانبھنڑ سوکھا کینی ہوندا
جلدی اوندی کاوڑ دے کنڈے وی کلیاں بنڑسن
چتھی بیر توں ماکھی لہاونڑ سوکھا کینی ہوندا
دھاڑ وو ساری زندگی چھوڑ تے ونجنڑ دیاں شانداں ڈیندے
جیندے باجہوں ہفتہ جیونڑ سوکھا کینی ہوندا
اساں سہریں وانگوں سُر وچ وینڑ ولیندوں تائب
وڈکیں دی ریویت کوں سمجھنڑ سوکھا کینی ہوندا
رفیق تائب
No comments:
Post a Comment
Note: only a member of this blog may post a comment.