شاند ہے نہ کوئی اشارہ ہے

 پنجابی سرائیکی شاعری

شاند ہے، نہ کوئی اشارہ ہے

دل دے اندروں نواں نظارہ ہے

سجھ کوں اکھو سجاک تھی پووے

ساڈی دھرتی تیں گھپ اندھارا ہے

جلدی گھنو حساب سمھنڑے میں

اے فرشتو! میکوں جگارا ہے

کیکوں دنیا تیں ڈکھ سنڑواں میں

جیکوں ڈیکھاں اھوو ڈوکھارا ہے

اوندے رستے دی دھوڑ کھا آے ہیں

اج طعبیت دا کجھ گزارا ہے

ڈیکھ دھرتی دا کیا حشر تھی گئے

ابنِ آدم دا پیر بارا ہے

اساں ہر جاہ تیں سرخرو تھیسوں

ساڈا اللّٰہ ساڈا سہارا ہے

یار یوسف دے کیا توں کیا بنڑ گئین

او تاں اج وی اویں آوارہ ہے

یوسف سنجرانی