پنجابی شاعری
فن دی خدمت انج لکھاری کردے نے
لکھتاں اندر خون جگر دا بھردے نے
کالے بدل لنگھ جاندے نے شہراں توں
دریاواں دے اتے جا کے ورھدے نے
ہو جاندی اے نویں خیالاں دی تخلیق
ذہن جدوں وی سوچ سمندر تردے نے
سڑکاں اپر ایس طرحاں دا رولا اے
لوک گھراں دے اندر بیٹھے ڈردے نے
ان ڈِٹھا اک خوف رگاں وچ پھردا اے
قہر دیاں دھپاں نے جسے ٹھردے نے
اکرام مجید
No comments:
Post a Comment
Note: only a member of this blog may post a comment.