پنجابی شاعری
جس ورقے دے اُتے لکھیا ویکھاں تیرا ناں
اوہنوں چماں آکھیں لانواں رکھا اُچی تھاں
سب توں افضل ذکر تِرا اے تیرے بندیاں نوں
جس دی برکت نال سُلگدی دُھپ دی ٹھنڈی چھاں
اے دھرتی اے دَین تِری تے تُوں ای اہیدا سبھ
وَسدے رکھیں رہندی دنیا تائیں شہر گراں
ربا! تیرے کرم دِیاں ات لوڑاں سانوں آج
تیری رحمت ہوئے تے گل بگڑی بنڑدی تاں
اک اک ساہ وچ سو سو واری اکھاں اللہ ہو
میں اکرام جدوں تک جیواں اہیوں وِرد کراں
اکرام مجید
No comments:
Post a Comment
Note: only a member of this blog may post a comment.