پنجابی شاعری
ہیرے موتی لال گواچے
لبھے ناہیں بال گواچے
باغیں اُترے لوک بیگانے
پُھل کلیاں تے ڈال گواچے
پِنڈاں دے پِنڈ اُجڑ جاندے
جے سیراں دی چال گواچے
بُلھاں نُوں گُربانی بُھلی
پیراں دے سُر تال گواچے
ہِیر پرائے گھر جا وَسی
میرے باراں سال گواچے
طعنے مہنے، جگ دے ہاسے
سارے تیرے نال گواچے
جِتی بازی وی ہر جاندی
جس ویلے اقبال گواچے
اقبال صلاح الدین
شاعر علامہ اقبال کے نواسے ہیں
No comments:
Post a Comment
Note: only a member of this blog may post a comment.