پنجابی پوٹھواری پوٹھوہاری پہاڑی شاعری
بچہ بچہ آلے دے کشمیر ناں
تکو ہویا حال کیہ کشمیر ناں
پانڑیئیں نی جا پہھراں کُہھٹ خون نے
پے درندے کھانڑ آدم جون نے
نیندراں مٹھیاں کرے ایہ جگ پیا
بچہ بڈھا ہیک نہ سیے کشمیر ناں
بچہ بچہ آلے دے کشمیر ناں
تکو ہویا حال کیہ کشمیر ناں
موت ماسی ماؤ تکر یاد نینہ
کوئی بُجھناں پہھینڑاں نی فریاد نینہ
تہھیاں آخنڑ توں وی چپ ایں یا خدا
ہور کس کی مندا وے کشمیر ناں
بچہ بچہ آلے دے کشمیر ناں
تکو ہویا حال کیہ کشمیر ناں
یاسر کیانی
No comments:
Post a Comment
Note: only a member of this blog may post a comment.