پنجابی شاعری
گجدے لوکاں ساہویں کلی بول پئی
جھلی سی نا اتھر جھلی بول پئی
جیہڑا جیون رب نے دِتا گونگا سی
جیہڑی موت میں آپے ملی بول پئی
میرے لئی ہر اکھر عرشوں مڑ آیا
اک دُعا فر ماں نے گَھلی بول پئی
دل بھوئیں نوں پانی لایا کیوں حرصاں
میرے پیار دی دُدھیا چھلی بول پئی
جبراں اندروں ایناں بھریا یار ظفر
جیہڑی جبھ نئیں کدے سی ہلی بول پئی
ظفر اقبال چونیاں
No comments:
Post a Comment
Note: only a member of this blog may post a comment.