پنجابی سرائیکی شاعری
سارے منظر کوں ڈہدا بیٹھا ہاں
زہر اکھ نال پیندا بیٹھا ہاں
تیڈے سوچیں دی پینگھ وچ بہ تے
خود کوں ترتیب ڈیندا بیٹھا ہاں
توں تے اہدیں جو ڈینھ گزر ویسن
میں کنوں پچھ گڑیندا بیٹھا ہاں
گال کتھوں میں آ تے چولاں ہنڑ
لفظ ول ول وٹیندا بیٹھا ہاں
مچھیاں مارنڑ دا کئی ارادہ نئیں
سکھڑاں سانپے سٹیندا بیٹھا ہاں
کیا پتا رات نا ٹکاوے او
تہوں میں رستہ پکیندا بیٹھا ہاں
شاہد اقبال
No comments:
Post a Comment
Note: only a member of this blog may post a comment.