گیت
چن تے اوکھی بنی، تارے دِسدے نئیں
جنہاں نال بہاراں، پیارے دسدے نئیں
ٹُٹ گیاں پینگاں صادق، اُلارے دسدے نئیں
جنہاں نال بہاراں، پیارے دسدے نئیں
اپنی لاش نوں آپ اٹھا کے بیٹھے نے
ویلے کولوں چنڈاں کھا کے بیٹھے نے
ظالماں دے وی ہن للکارے دسدے نئیں
جنہاں نال بہاراں، پیارے دسدے نئیں
صادق سجن ٹور کے اوکھے ہو کے بہہ گئے آں
سارے جگ تو ہولے ہو کے بہہ گئے آں
ککھ وی ہُن تاں اساں تو بھارے دسدے نئیں
جنہاں نال بہاراں، پیارے دسدے نئیں
ایویں مان میں کیتا سَکیاں وِیراں دا
کسے وی ڈکیا نئیں راہ چلدیاں تیراں دا
رشتے وی ہن تا میری جان تو پیارے دسدے نئیں
جنہاں نال بہاراں، پیارے دسدے نئیں
ایس ایم صادق
(شیخ محمد صادق حسین)
No comments:
Post a Comment
Note: only a member of this blog may post a comment.