مر کے کم سَر جاندا اے
جہیڑا ڈبدا تَر جاندا اے
اکھیاں داہ کُھوہ روز گڑیناں
روز فر ای بھر جاندا اے
اوہ مڑ آپنڑے گھار نئیں ویندا
جیہڑا تیرے دَر جاندا اے
بیبا سوچ کے لائیں یاری
عشق جوانی چَر جاندا اے
بتی بال کے سوناں راتیں
اُو خاب اچ اوندا ڈر جاندا اے
لوکی مینوں مار دے وٹے
ہائے عشق تماشہ کر جاندا اے
عشق اے کھیڈ اوالڑی آفتاب
اُوہ جِتے جیہڑا ہَر جاندا اے
آفتاب چکوالی
آفتاب احمد خان
No comments:
Post a Comment
Note: only a member of this blog may post a comment.