پنجابی پوٹھواری پوٹھوہاری پہاڑی شاعری
کدوں تیکر اسلام دے دُشمناں دا دیندا ساتھ ہر گام تے چُپ رہسیں
کر کے سودا ضمیر دا کدوں تیکر لیندا دوگنے دام تے چُپ رہسیں
کد تک آلِ فرعون نوں کر گھٹیاں ویکھ اپنا انجام تے چُپ رہسیں
کد تک لے کہ کشکول مشتاق آسی بھیک سمجھ انعام تے چُپ رہسیں
اپنے چمن شاداب دی کدوں تیکر ہوندی ویکھ ویرانی تے چُپ رہسیں
کدوں تیکر توں اپنا سر خم کر کے من غیر من مانی تے چُپ رہسیں
رہسی کد تک تقدس پائمال تیرا کد تک اپنی ارزانی تے چُپ رہسیں
کد تک منکرِ حق تھیں مشتاق آسی سُندا باطل بیانی تے چُپ رہسیں
مشتاق آسی
No comments:
Post a Comment
Note: only a member of this blog may post a comment.