جدید پنجابی شاعری
لغراں وانگوں پُھٹ نی مائے
قبراں وچوں اُٹھ نی مائے
ادھے سر دی پیڑ نئیں جاندی
فِر اک واری گُھٹ نی مائے
تیرے ہُندیاں سب گھر والے
رہندے سن اک مُٹھ نی مائے
ایس عمرے وی انج پیا لگے
چنگناواں پیا ٹُھٹھ نی مائے
میں حرفاں نال کھیڈن والا
دنیا اے ہتھ چُھٹ نی مائے
ڈاڈھے وڈّن وڈّن پھردے
جیبھ تے نالے گُٹ نی مائے
عرفان صادق
No comments:
Post a Comment
Note: only a member of this blog may post a comment.