کلاسیکی پنجابی شاعری
کیہ جاناں میں کوئی وے اَڑیا
کیہ جاناں میں کوئی
جو کوئی اندر بولے چالے ذات اساڈی ہوئی
جس دے نال میں نیوں لگایا اوہو جیہی ہوئی
کیہ جاناں میں کوئی وے اڑیا
کیہ جاناں میں کوئی
چِٹی چادر لاہ سُٹ کڑئیے پہن فقیراں دی لوئی
چِٹی چادر نُوں داغ لگے گا لوئی نُوں داغ نہ کوئی
کیہ جاناں میں کوئی وے اڑیا
کیہ جاناں میں کوئی
الف پچھاتا، ب پچھاتی، ت تلاوت ہوئی
س پچھاتا ش پچھاتا صادق صابر ہوئی
کیہ جاناں میں کوئی وے اڑیا
کیہ جاناں میں کوئی
کُوکُو کردی قُمری آہی گل وِچ طوق پیوئی
بس نہ کردی کُوکُو کولوں کُوکُوں اندر موئی
کیہ جاناں میں کوئی وے اڑیا
کیہ جاناں میں کوئی
جو کجھ کرسی اللہ بھاناں کیا کُجھ کرسی کوئی
جو کجھ لیکھ متھے دا لکھیا میں اس تے شاکر ہوئی
کیہ جاناں میں کوئی وے اڑیا
کیہ جاناں میں کوئی
عاشق بکری معشوق قصائی میں میں کردی کُوہی
جیوں جیوں میں بُہتا کردی تیوں تیوں موئی موئی
کیہ جاناں میں کوئی وے اڑیا
کیہ جاناں میں کوئی
بلھا شوہ عنایت کر کے شوق شراب دتیوئی
بھلا ہویا اسی دوروں چُھٹے نیڑے آن لدھوئی
کیہ جاناں میں کوئی وے اڑیا
کیہ جاناں میں کوئی
بے فرمان دی کیاڑی کولوں جیبھ کھچیندا اوئی
کٹیاں مہیناں دے گل اُتے چُھری دا گیندا سوئی
کیہ جاناں میں کوئی وے اڑیا
کیہ جاناں میں کوئی
کسگ اک سہی میں دس سہیاں پر ایہ کیہ کرسی کوئی
جے مہر کریں تے فضل کریں تو میں عاجز ہوئی
کیہ جاناں میں کوئی وے اڑیا
کیہ جاناں میں کوئی
بابا بلھے شاہ
No comments:
Post a Comment
Note: only a member of this blog may post a comment.