جدید پنجابی شاعری
آ ماہی ساڈی جھوک وسا
جیہڑی دھّمی آکھنی ایں توں
سانوں تاں اج آکھ سُنا
آ ماہی ساڈی جھوک وسا
ادھ سیالے جم کھلوتی
رَت وچ ٹُردی رتڑی بھاء
آ ماہی ساڈی جھوک وسا
بُکّاں نال اساں پانی دیندے
ودّھ ودّھ ویندی بگڑی جا
آ ماہی ساڈی جھوک وسا
سینیاں والے جھاگ ویکھئیسن
گاراں دے کالے دریا
آ ماہی ساڈی جھوک وسا
واگاں والے سر آ چڑھسن
اُسرے سُکھ طبیلے ڈھا
آ ماہی ساڈی جھوک وسا
مشتاق صوفی
No comments:
Post a Comment
Note: only a member of this blog may post a comment.