وڈھ کھانا اے ساہ، نئیں مُکدا
پئی آں اوکھے وا، نئیں مکدا
روح اے میری چھالیوں چھالی
پر سُولاں دا را، نئیں مکدا
دکھ نوں ترلا پایا مک جا
آکھن لگا، جا، نئیں مکدا
کنے ای اس تڑک چھڈے نیں
عشقے دا پر تا نہیں مکدا
دھوکا سجن دِتا ہے ناں
جنا مرضی کھا، نئیں مکدا
بھانویں اوس نئیں آنا زحلے
اوہدے آن دا چا نئیں مکدا
زحلے یوسف
ژالے یوسف
No comments:
Post a Comment
Note: only a member of this blog may post a comment.