جدید پنجابی شاعری
ماہی وے پتناں تے مِل
کالی راتیں ٹِھلّھ ڈِٹھا ای
ہُن تاں چِٹے دن توں ٹِھلّھ
ماہی وے پتناں تے مِل
اَن وگّے دریا دے جھاکے
ریتڑ وِچ اساں گڈے تِل
ماہی وے پتناں تے مِل
جاں چُکن دا موسم پرتیا
چڑھی اسمانی کالی ہِل
ماہی وے پتناں تے مِل
چمڑی تے اُگ لہو چٹیندے
کہے سِنّے کنڈیالے کِل
ماہی وے پتناں تے مِل
مشتاق صوفی
No comments:
Post a Comment
Note: only a member of this blog may post a comment.