آؤ سارے رل کے چلیئے، خواجہ جی دے ڈیرے جی
نِکّے، لِسّے رب توں رحمت، منگن، سنجھ سویرے جی
قومی دولت، کھا جاندے نیں، ڈھاڈے لم، لمیرے جی
قاضی، مُلّاں، رج کے کھاندے، زردہ پلاء حلویرے جی
حال مُریداں دا بھیڑا اے، جِیویں بھُکھے بٹیرے جی
اثر چوہان، دُعاواں منگئیے، رب ساڈے دن پھیرے جی
آؤ سارے رَل کے چلِیئے، خواجہ جی دے ڈیرے جی
اثر چوہان
No comments:
Post a Comment
Note: only a member of this blog may post a comment.