جدید پنجابی شاعری
ٹھگّاں تینوں رج کے ٹھگیا وے ربّا
مذہبی چورن ہٹّی وِکیا وے ربا
مُلّے دا بہروپ مداری نے پایا
فیر مسیتی گج کے وجیا وے ربا
میں گھر وچ توں عرشاں تے کلہا ریندا
فرشی بندہ مار مکایا وے ربا
ہر وستی وِچ ناں تیرا مُل وِکدا سی
شہ رگ نیڑے تُوں نہ مِلیا وے ربا
قبراں وِچوں کڈھ کے سانوں ریپ کِیتا
جیوندی دا وی مُل لوایا وے ربا
طُور دے راہیں تینوں دُکھ سناون آئی
اوتھے خُلفا چھاپہ پایا وے ربا
کنکاں پِچھے جنّت تیری چھڈ دِتّی
فیر اساں پنجاب وسایا وے ربا
خاکی ڈاکو بار نوں لُٹ کے کھا گئے
بوٹے پٹ کے ظلم کمایا وے ربا
تپدے مچدے نیڑے اک ارداس کراں
قہر وبا دا موڑ دے سُچیا وے ربا
ردا فاطمہ
No comments:
Post a Comment
Note: only a member of this blog may post a comment.