جدید پنجابی شاعری
ایویں گل دی گل اے، پر سانوں کی
دنیا ادھی پاگل اے، پر سانوں کی
میں اج نوں اج ای آہناں واں
اوہ کہندا کل اے، پر سانوں کی
لوکی کہندے اس سرما پایا اے
مینوں پتہ چھل اے، پر سانوں کی
توں ہُنڑ جس دے لڑ لگیاں ایں
اس وینڑا مَل اے، پر سانوں کی
کُتا مالکاں نوں دندیاں پیا کڈدا
گیا چوراں نال رَل اے، پر سانوں کی
اُٹھدی وارِیں چاہ جیہڑا پُچھے
ای سُکا بَھل اے، پر سانوں کی
جیہڑا وی عشق دی راہ نوں لگیا
اُس ہونڑا کھجّل اے، پر سانوں کی
آفتاب چکوالی
آفتاب احمد خان
No comments:
Post a Comment
Note: only a member of this blog may post a comment.