پنجابی سرائیکی شاعری
کڈی مِل سانول ہک پل کیتے ول جیونڑ وی ہک پل کر ڈے
میڈے اندر سارا جُھم تھی ونج میکوں گُم کر ڈے پاگل کر ڈے
توں خان پُنل،۔ اسمان پنل،۔ جند جان پُنل،۔ ارمان پُنل
کوئی انت ملے متاں سسی دا میکوں تریہہ کر ڈے میکوں تھل کر ڈے
تیڈے نیناں توں نت نور وسے، تیڈی سیند سہاگ سندور وسے
میں بُھل وینداں، میں رُل وینداں، میکوں اپنڑی زلف دا ول کر ڈے
میڈے تن وچ تس، تریہوک وسے، میڈے من وچ وسدی جھوک وسے
ول وسدی جھوک تیں لوک وسے، تن من سارا جل تھل کر ڈے
میڈے دم وچ وسدا دم سانول، تیڈی تس وچ گئی ءے دھم سانول
جینویں نکھڑنڑ ویلہے ہم سانول، ہک وار میکوں اُنویں ول کر ڈے
عزیز شاہد
No comments:
Post a Comment
Note: only a member of this blog may post a comment.